Entretien avec un fabricant de jeux d’échec (នាយ យ៉ាន តាមដងផ្លូវ លើកទី 309)
លោកតា ប៊ុយ ឆ្លាក់គ្រាប់អុក តាំងពី២០ឆ្នាំ តែមិនចេះលេងអុកទេ! តាំងពី២០ឆ្នាំមកហើយ លោកតា សុខ ប៊ុយ ឆ្លាក់កូនអុក។ គ្រួសាររបស់គាត់មានហាងលក់វត្ថុអនុស្សាវរីយ៍ធ្វើពីឈើមួយកន្លែង ទូលមុខផ្សារទួលទំពូង រាជធានីភ្នំពេញ។ ថ្ងៃមួយ គាត់ឃើញគេធ្វើគ្រាប់អុក។ ពេលនោះ គាត់គិតថា អាចធ្វើបានដោយខ្លួនឯង។ បន្ទាប់ពីបានទិញសម្ភារៈ និងសាកល្បងសិន គាត់ចាប់ផ្ដើមផលិតអុកមួយមុខសាមញ្ញ ទៅលក់។ លោកតា ប៊ុយ ក៏ធ្វើក្ដាដែរ ហើយខ្លះអាចបត់ជាពីរបាន ដើម្បីដាក់គ្រាប់ខាងក្នុង និងយូដូចវ៉ាលិស។ គាត់ពន្យល់ប្រាប់ នាយ យ៉ាន នៃសារព័ត៌មានថ្មីៗ ថា ដំបូងត្រូវទិញឈើមូល ហើយកាត់វាតាមកំពស់ប្រភេទគ្រាប់អុក។ ក្រោយមក គ្រាប់ប្រភេទភាគច្រើនត្រូវយកទៅក្រឡឹង ប៉ុន្តែសេសត្រូវឆ្លាក់វិញ។ តាមពិតគឺជាសិប្បកម្ម ដូច្នេះលោកតាអាចឆ្លាក់បន្ថែមគ្រប់គ្រាប់ក៏បានដែរ…
លោកតា ប៊ុយ ឆ្លាក់គ្រាប់អុក តាំងពី២០ឆ្នាំ តែមិនចេះលេងអុកទេ!
តាំងពី២០ឆ្នាំមកហើយ លោកតា សុខ ប៊ុយ ឆ្លាក់កូនអុក។ គ្រួសាររបស់គាត់មានហាងលក់វត្ថុអនុស្សាវរីយ៍ធ្វើពីឈើមួយកន្លែង ទូលមុខផ្សារទួលទំពូង រាជធានីភ្នំពេញ។ ថ្ងៃមួយ គាត់ឃើញគេធ្វើគ្រាប់អុក។ ពេលនោះ គាត់គិតថា អាចធ្វើបានដោយខ្លួនឯង។ បន្ទាប់ពីបានទិញសម្ភារៈ និងសាកល្បងសិន គាត់ចាប់ផ្ដើមផលិតអុកមួយមុខសាមញ្ញ ទៅលក់។ លោកតា ប៊ុយ ក៏ធ្វើក្ដាដែរ ហើយខ្លះអាចបត់ជាពីរបាន ដើម្បីដាក់គ្រាប់ខាងក្នុង និងយូដូចវ៉ាលិស។ គាត់ពន្យល់ប្រាប់ នាយ យ៉ាន នៃសារព័ត៌មានថ្មីៗ ថា ដំបូងត្រូវទិញឈើមូល ហើយកាត់វាតាមកំពស់ប្រភេទគ្រាប់អុក។ ក្រោយមក គ្រាប់ប្រភេទភាគច្រើនត្រូវយកទៅក្រឡឹង ប៉ុន្តែសេសត្រូវឆ្លាក់វិញ។
តាមពិតគឺជាសិប្បកម្ម ដូច្នេះលោកតាអាចឆ្លាក់បន្ថែមគ្រប់គ្រាប់ក៏បានដែរ ដែលធ្វើឱ្យនីមួយៗវាខុសៗគ្នាបន្តិច មិនមែនដូចគ្នាទាំងអស់ដូចអុកធ្វើក្នុងរោងចក្រនោះទេ។ នេះជាមូលហេតុ ដែលមានគុណភាព និងតម្លៃខុសៗគ្នាដែរ។ បុរសវ័យ៧៩ឆ្នាំនេះ និយាយថា «មានអ្នកក្រ មានអ្នកមាន ដូច្នេះខ្ញុំលក់តម្លៃខុសៗគ្នា។» គាត់លក់អុកមួយគ្រាប់ ពី១០០០០៛ ទៅ៤០០០០៛។ ហើយអុកមួយកំប្លេ ពី២០០០០៛ ទៅ១០០០០០០៛ជាង អាស្រ័យតាមឈើ និងគុណភាព។
ហាងលក់វត្ថុអនុស្សាវរីយ៍ ម៉ែន មុយ ស្ថិតនៅកែងផ្លូវ៤៥០ និង១៦៣ នៅសង្កាត់ទួលទំពូង ខណ្ឌចំការមន៕
អត្ថបទទាក់ទង នឹងសិប្បកម្ម :
• https://www.thmeythmey.com/?page=detail&id=58653
• http://www.thmeythmey.com/?page=detail&id=75818
• https://www.thmeythmey.com/?page=detail&id=82486
• https://www.thmeythmey.com/?page=detail&id=87931
• https://www.thmeythmey.com/?page=detail&id=94509
• https://www.thmeythmey.com/?page=detail&id=100198
